Stelpurnar hófu að æfa í október einu sinni í viku og það var bætt við einni æfingu í nóvember. Það var viljandi farið mjög rólega af stað fyrir áramót en svo á að gefa í eftir áramót þar sem æfingum verður fjölgað.

2.fl hefur nú þegar spilað 2 leiki í Faxaflóamótinu þar sem annar tapaðist á móti Fylki 4-2 og hinn vannst 2-1 á móti ÍR. Einnig spiluðu þær á Futsalmótinu þar sem þær enduðu í 2.sæti í sínum riðli og komust ekki áfram. Þær eiga svo leik strax 6.jan á móti Fjölni í Faxaflóamótinu.

Meistaraflokkurinn mun byrja að spila í Faxaflóamótinu 8.jan á móti Keflavík í Reykajneshöllinni.

Júlíana, Dagbjört og Sigrún Auður.

Í gærkvöldi var lokahóf meistaraflokks kvenna haldið.  Sigrún Auður Sigurðardóttir var valin leikmaður ársins ásamt því að vera leikmaður leikmannanna. Júlíana Sigurgeirsdóttir var valin efnilegust og Dagbjört Gunnarsdóttir þótti sýna mestar framfarir.
Ásgrímur H. Einarsson hefur látið af störfum sem þjálfari og ekki hefur verið gengið frá ráðningu þjálfara fyrir næsta tímabil.

4/8  HK/Víkingur – Álftanes   mfl.kv.  Víkingsvelli kl. 19:00
6/8  HK/Víkingur – Álftanes 2.fl.kv. Fagralundi kl. 14:00
10/8  Álftanes – Sindri mfl.kv.  Bessastaðavelli kl. 17:15
12/8  Álftanes – ÍBV  2.fl.kv. Bessastaðavelli kl. 17:30
14/8  Sindri – Álftanes  mfl.kv.   Sindravellir  kl. 16:00
17/8  Álftanes – Fjölnir  2.fl.kv.  Bessastaðavelli kl. 19:00
19/8  Álftanes – Höttur  mfl.kv.  Bessastaðavelli kl. 19:00
23/8  Álftanes – Selfoss 2.fl.kv.  Bessastaðavelli kl. 19:00
25/8  Sindri – Álftanesi 2.fl.kv.  Sindravellir kl. 17:00
28/8  Keflavík – Álftanes 2.fl.kv. Keflavíkurvöllur kl. 18:00
7/9    Þróttur R – Álftanes  2.fl.kv.  Þróttaravöllur  kl. 18:00

Ashley Faith Hall

Fyrsti sigur tímabilsins er komin í hús. Stelpurnar sigruðu lið Fjarðarbyggðar/Leiknis á sunnudag 2 – 1 á Bessastaðavelli.
Við vorum stekrari aðilinn í leiknum frá byrjun og það var gegn gangi leiksins þegar Una Sigríður Jónsdóttir, besti leikmaður Fjarðarbyggðar, skoraði á 12 mínútu eftir að hafa sloppið inn fyrir vörnina.  Það var svo á 41. mínútu að Ashley slapp inn fyrir vörnina hjá þeim og jafnaði metin.
Staðan 1 – 1 í hálfleik. Ashley bætti svo við marki á 63. mínútu og tryggði langþráðan sigur okkar stelpna.
Maður leiksins var valin fyrirliðin Sigrún Auður, hún átti flottan leik á vinstri kantinum í fyrri hálfleik og magnaðan leik í stöðu vinstri bakvarðar í þeim síðari.
Næsti leikur hjá stelpunum er á miðvikudaginn 20. júlí í Kapplakrika við FH. Leikurinn hefst kl. 20:00.

Fríða

Fríða Þórisdóttir hefur gengið frá félagaskiptum yfir í Álftanes og hefur fengið leikheimild frá 15. júlí þegar félagaskiptaglugginn opnar.
Fríða kemur frá Þrótti og hefur verið þar síðan 2005 er hún skipti frá Álftanesi. Því má segja að hún sé komin heim.
Fríða var fyrirliði Þróttar í fyrra þegar liðið tryggði sér sæti í Pepsi deildinni en hefur ekki fengið tækifæri með Þrótti á þessu tímabili.  Við bjóðum Fríðu velkomna heim.

Úr leik ÍR og Grænlands

Meistaraflokkur kvenna spilar æfingaleik á morgun kl. 18:30 við Grænlenska kvennalandsliðið.  Grænlendingarnir hafa verið við æfingar á Álftanesi frá því á laugardag.
Á sunnudag léku þær við ÍR og sigraði ÍR þann leik 3 – 0.  Við hvetjum alla til að mæta og fylgjast með þessum leik.

Katrín Ýr meiddist

Meistaraflokkur kvenna tapaði í gær fyrir ÍA í Valitorbikarnum, 32. liða úrslitum.
Fyrri hálfleikur var slakur af hálfu Álftanes og voru ÍA stelpur meira með boltann án þess að skapa sér mikið af færum. Fyrra markið kom eftir hornspyrnu þar sem leikmaður þeirra fékk svo að segja að skalla boltann í netið óáreitt. Litlu munaði að Álftanesi tækist að jafna strax í næstu sókn þegar skot Völu fór rétt yfir markið. Lítið fleira gerðist í fyrri hálfleik.
Okkar stelpur komu hressari í síðari hálfleikinn og meira jafnræði var með liðunum þá. ÍA stúlkur bættu við marki undir lokin eftir mistök í vörninni. Illa gekk að koma boltanum frá sem varð til þess að ÍA tókst að skora.
Lið ÍA er ungt, flestar stelpurnar þar eru í 2. flokki og eiga framtíðina fyrir sér. Það er hins vegar ljóður á þeirra leik hve óheiðarlegar þær eru, klípingar og ristarástíganir eru eitthvað sem þeim virðist í blóð borin. Vonandi láta þær af þeirri iðju.
Slæmu fréttirnar eru að bæði Selma og Katrín Ýr meiddust í leiknum og ekki er vitað hve lengi þær verða frá. Selma fékk slæmt spark í hné og Katrín snéri sig á ökla. Langt er í næsta leik, 15. júní heima gegn HK/Víkning, þannig að tíminn vinnur með okkur varðandi þessi meiðsl.

Álftnesingur leiksins var kosin Olga Kristina.

Grænlenska kvennalandsliðið.

Í júní mun Grænlenska kvennalandsliðið dvelja við æfingar á Álftanesi. Að því tilefni mun liðið spila æfingaleik við Álftanes á Bessastaðavelli þann 21. júní kl. 18:30.
Það er mikill fengur fyrir Álftanes að fá landslið til æfinga í sveitarfélaginu og skemmtileg tilbreyting að fá leik við þær.